সাম্যুয়েল বেকেট এর কবিতা মনিপুরিতে

১.
ওয়াহৈপিরাংতনা শিন্থবা
কুমহৈগি নুংশাসোরতনদি
ওইহৈদে হায়বা লৈব্রা

লৈহাও য়াউদবগি মহুত্ থুপচিনখিবনা হেন্না ফত্রা

য়েংউ, নঙনা চত্খিবদগি মতমশিংসে কায়া'তা লুমথরে
থেংথবা লৈতনা সোয়দনা
মখোয়নসু শোরো শোরো চিংবিবা হৌরগনি হকচাংসিবু
মুক্না কোন্নরিবশিংনা পামজকাগি ফমুংবু চু-পাইবগুম পায়দুনা
অমন্বা নুংশিবগি শরুবু থাংদুনা
কোংঘুত্ শিংদো মেনসিনখিবনি মিৎনা নঙগা মান্ননা
মতমখুদিংগি মায়ামসিনা ফব্রা ফত্রা
হামুকনা মামায়দা চায়খায়বা পাম্মি
অদুগা নুমিত্ মাপ্পনসিদা অমুকফাউবা লাকলরোয়য়ে নুংশিবিদি
থা মাপ্পনদসু লাকররোয়
লাকররোয়য়ে পুন্সি মাপ্পনসিদসু

অমুক্কসু হায়জরি--
নঙনা তাকপিদ্রবদি ঐ খঙবা ঙমলোয়
অমুক্কা নিংশিংজরি অরোয়বা হায়বসে লৈবনি
অরোয়বা মতমদুগিসু
অরোয়বা নিজবগিসু
নুংশিবগি অরোয়বা মীত্কুপকি
খংবিবগি খংদবগি দমক তৌশিন্নবগি
অরোয়বমা, অরোয়বা ওইনা লৌবগি
নঙনা নুংশিবিদ্রবদি ঐবু নুংশিবিররোয়
ঐনা নঙবু নুংশিদ্রবদি ঐ নুংশিররোয়

কণশিল্লবা ওয়াহৈগি পুকৈদি থমোয়সিদা তুংশিল্লি
নুংশিবদি পিসকারিদা অমন্বা মচৈ নমশিনবগি মখোলনি
কুসুম লৌথোকখ্রবা নাঙ নাঙ লাওবা য়েরুমগি মহিগুম্না
তায়বা ওয়াহৈগি মহিনি

২.
অমুকহন্না মিপাইজৈ--

নুংশিদবগি দমক
নঙ নত্তনা নুংশিবগি দমক
নুংশিবিবগি অমসুং নঙনা নুংশিবিদবগিদমক
খংবিবা খংওইদগি তৌশিন্নবা
তৌশিন্নবা

ঐ অমসুং নঙবু নুংশিগদবা অতৈ ময়াম
মখোয়না নঙবু নুংশিরবদি

৩.
মখোয়না নঙবু নুংশিদ্রবদি

[ক্যাসকেন্ডো ]